HORECA ИНДУСТРИЯСЫ: ЖАҢА ЖАҒДАЙ.

11 қараша күні HoReCa кәсіпқойларына арналған онлайн-форум өтеді, оның барысында саланың негізгі сарапшылары мен көшбасшылары өздерінің нарық сегментіндегі істердің ағымдағы жай-күйі туралы айтып береді, қонақжайлық индустриясын дамытудың одан арғы стратегияларын талқылайды, тәжірибелерімен, сондай-ақ жаңа жағдайларда тиімді жұмыс құру жөніндегі практикалық кейстермен және саланың өзекті міндеттерін шешу тәжірибелерімен бөліседі.

HorexForum 2020 Онлайн-іс-шарасы коронавирустық инфекцияның әлемге ұзақ әсер етуі себебінен 2021 жылдың 3-5 қараша күндеріне ауыстырылған жыл сайынғы HOREX Qazaqstan көрмесінің қамқорлығымен өткізіледі.

Бүгінгі таңда covid-19 әсер етпеген саланы немесе компанияны табу мүмкін емес. Әсіресе, бұл сала қонақжайлылық қызметін ұсынумен байланысты, бірақ жаңа уақыттар жаңа шешімдерді қажет етеді. Осылайша, 11 қараша күні индустрияның беделді сарапшыларымен бірге біз жаңа жағдайларда қалыптастырылған саланың барлық өзекті мәселелерін талқылаймыз. Форум сөз сөйлеушілері мен қатысушыларының арасында қонақ үй және мейрамхана бизнесінің жетекші өкілдері, қонақжайлылық индустриясының сарапшылары, салалық қауымдастықтардың өкілдері, маркетинг және басқару мамандары бар.

Онлайн-форумның бағдарламасы бірқатар тақырыптық шеберлік-сабақтары мен коуч-сессияларды, «сұрақ-жауап» форматындағы жанды диалогты және АҚБС-пен бірлесіп ұйымдастырылған кейтеринг бойынша дөңгелек үстелді қамтитын болады. Horex Forum 2020 консультациялық-оқыту алаңы қонақжайлылық индустриясына дағдарыс кезінде төтеп беруге көмектесетін бірлескен шешімдер мен шараларды әзірлеу үшін тиімді құрал болады. Шығындарды қысқарту мақсатында бизнес-процестерді оңтайландыру, жаңа ұсыныстарды әзірлеу арқылы жаңа табыс көздерін іздеу, қызметтерді қайта қарау және бизнесті жүргізу форматтарын өзгерту, сондай–ақ ковидке дейінгі әлемде индустрияда сәтті қадам басқан даму жолында өзінің технологиялық құзыреттерін күшейту - осы және басқа да мәселелер онлайн-форум шеңберінде қозғалатын болады.

Тақырыптық сессиялар барысында тәжірибелі маркетолог және бренд-кеңесші Юлия Кожанова жұмысына арналған дағдарысқа қарсы маркетингтік құралдармен бөліседі, ал Киевтен шақырылған спикер Екатерина Терещенко бюджеттегі өзгерістерді ескере отырып, мейрамханалардың дизайны мен интерьері үшін тиімді шешімдерді ұсынады.

Мәскеуден келген мейрамхана кеңесшісі және бизнес-жаттықтырушы Наталья Кулакова өз бизнесінде түсімнің өсу нүктелерін қалай табуға болатындығын, шығындарды оңтайландыру тәсілдерін, бизнесті стандарттау және бизнес-процестерді құру нұсқалары туралы айтып береді. «Ресттим» компаниясының бас директоры Андрей Кислов тыңдармандарға кесімді еңбек ақыны тиімді енгізу жөніндегі практикалық кейсті таныстырады.

Отандық сарапшылар шектеулерді ескере отырып, бизнес жүргізу тәжірибелерімен бөліседі, кәсіби бартендерлер қауымдастығының негізін қалаушы Дмитрий Королев пандемия кезінде барлардың қалай пайда табуға болатындығын айтады. Азық-түлік жеткізу қызметі пандемияның басталуымен бұрынғыдан да өзекті болды, Manga Sushi жобасының мысалында Мanga Sushi және Rocket Japan компанияларының бірлескен иесі Бас Тарас өз жеткізу қызметін құру және қызмет көрсету бойынша авторлық шеберлік сабағын өткізеді.

Horex онлайн-форумы аясында кейтерингті одан әрі дамытудың соңғы трендтері мен оның әлеуеттері жайлы кейтеринг бойынша жетекші ресейлік сарапшы Кирилл Погодин бөліседі.

Форум соңында нарықтың негізгі ойыншылары қонақжайлылық индустриясын дамытудың қазіргі векторларын талқылау және пандемиядан кейінгі кезеңдегі өсу тенденцияларын анықтау үшін ұйымдастырылған «Саланың өңірлік мәселелері» тақырыбына арналған дөңгелек үстелде, жанды диалог форматында кездеседі. Дөңгелек үстелдің модераторы Кирилл Погодин болады.

Онлайн-форумның ұйымдастырушысы Iteca қазақстандық көрме компаниясы болып табылады.

Форум бағдарламасымен, спикерлермен және сессия кестесімен толығырақ төмендегі сілтеме бойынша өтіп таныса аласыздар: https://horexexpo.kz/online-forum/